منتدى الفرح المسيحى - لو عاوزه حنيه ألقانه اتعلمي يبقى قلبك قلب حنه

https://upload.chjoy.com/uploads/1510179544351.jpeg

1صموئيل 1 💝
فيه قهر فيه ذل فيه حب وفيه رجاء وفيه استجابه 😍
حنه كانت متجوزه ألقانه وكان ليها دره بتغيظها وبتذلها لعدم خلفتها فكانت حنه مره النفس بس كانت محبوبه جدا من ألقانه في الغالب قلبها كان حلو وروحها احلى وألقانه كان راجل حنين مش عشان راعي انها من غير ولاد واداها بدل النصيب نصيبين لا لكن لأنه كان بيقولها انا معاكي احسن من 10ولاد اوعي تزعلي أو تكتئبي أو تعيطي.
حنه كان عندها رجاء واتشعلقت في ربنا اللي قفل رحمها واللي هيفتحه لما يشوف قلبها صرخت بلجاجه وعشم ورجااااء لدرجه ان عالي الكاهن افتكرها سكرانه وعاب عليها فقالت له انا مره النفس فبشرها وقالها ربنا يديكي سؤال قلبك يابنتي وفعلا ربنا سمع صلاه القلب المر القلب المذلول وفتح رحمها وأداها صموئيل.
ادخل لربنا بلغه العالم سكران تخرج من عنده فرحان
اكشف قلبك قدامه يغطيه هو بحنان
حتي لو صلاتك صلاه مضطر هو بيسمعها
هو بيعرف امتى يستجيب وامتى يديك سؤال القلب ويسدد احتياجك خلي عندك رجاااااء واتعلم من حنه.
ولو عاوزه حنيه ألقانه اتعلمي يبقى قلبك قلب حنه