منتدى الفرح المسيحى - كلنا مابنحبش الذكريات

كلنا مابنحبش الذكريات .. مابنحبش حاجة بنحبها تبقي ذكري نفتكرها ..
وياريتنا بنفتكرها بسكات .. ذكرياتنا دايما بتوجع قوي ..
ذكريات وعود لما سمعناها طلعنا السما، وماتحققتش ..

ذكريات غلطات غلطناها ف حق نفسنا .. ذكريات ناس جات علينا ..
ذكريات فشل جاب فشل .. ذكريات لمسة من حد ماكنتش من حقه ..
ذكريات ذكريات !
الغريب ان طول ماحنا فاكرين الذكريات دي بنحس اننا مش هنشوف غيرها ،
مش هنعرف نحس بغيرها ، هتفضل مستحوذة علينا ..
ف الوقت ده بالظبط بنبقي عايزين ذكريات جديدة ..
ذكريات احلي تاخد الوحش جواها وتفعصه ..
يتبقالنا حلو بس عشان الوحش تعبنا منه ..
الغريب بقي ان ربنا بيدينا ذكري جديدة مبهجة https://www.facebook.com/images/emoj.../1/16/263a.png☺https://www.facebook.com/images/emoj.../1/16/2764.png❤
ذكراه هو شخصيا https://www.facebook.com/images/emoj...f64f_1f3fb.png🙏🏻
( وَشَكَرَ فَكَسَّرَ، وَقَالَ:«خُذُوا كُلُوا هذَا هُوَ جَسَدِي الْمَكْسُورُ لأَجْلِكُمُ. اصْنَعُوا هذَا لِذِكْرِي». كَذلِكَ الْكَأْسَ أَيْضًا بَعْدَمَا تَعَشَّوْا، قَائِلاً: «هذِهِ الْكَأْسُ هِيَ الْعَهْدُ الْجَدِيدُ بِدَمِي. ( 1 كو 11 : 24-25 )
وافتكروا ان انا اديتكم حياة بدل حياتكم المجروحة ..
وافتكروا اني اديتكوا حب من اللي اتمنتوه ومالقيتوش ..
خدوا ذكريايا و خلوها هي اللي تشكل طريقة تفكيركوا ف نفسكوا ..
خليها تشكل فيك ان الذكريات دي هتاخد وقتها وهتخلص ..
وانت لسة كويس ، وهتبقي كويس .. https://www.facebook.com/images/emoj.../1/16/2764.png❤https://www.facebook.com/images/emoj.../1/16/2764.png❤https://www.facebook.com/images/emoj.../1/16/2764.png