منتدى الفرح المسيحى - بدور عليك احتارت الاقيك فين

بدور عليك
احتارت الاقيك فين

https://files.arabchurch.com/upload/i...070315065.jpeg

بصيت على السما واعدت انادى عليك
ونسيت ... نسيت صلبك على الصليب
بعد ما اعدت ادور كتير عليك فى السما

دورت بين الناس وبرضوا نسيت انك على الصليب مصلوب
دورت كتير بين الناس
ادور اسأل عن يسوع
ولما فوقت وافتكرتك على الصليب

جيت اجرى عليك واكلمك
بس للاسف ملقتش يسوع على الصليب
قالولى مات.... وقام ...وصعد الى السموات

رجعت ادور تانى عليك فى السما
اتكلم اتكلم لكن مش سامع حد يرد عليا
محتار زعلان مش لاقى من يسوع جواب

بكيت وبكيت وكنت لوحدى
سمعت صوت جوايا بيرد عليا

بيقولى يسوع مش بس فى السما
يسوع مش بس على الصليب
يسوع مش بس بين الناس
يسوع فى قلبك
يسوع جواك

بدل ما تجرى تدور عليه فى كل مكان
اهدى كده وبص جواك
اسمع صوت يسوع جواك
شوفه بيقولك ايه
اسمعه واتكلم معاه

قعد لوحدك ونضف ودنك
وركز شويه
وشوف من جواك يسوع هيقول ايه

صدقونى انا مجربه اوى الشعور ده
جرب كده تبقى مضايق وحزين
وتعد لوحدك وتركز وتسمع الصوت اللى جواك
هتحس كأنه صوت يسوع صوت الروح القدس
جرب ومش هتخسر