منتدى الفرح المسيحى - الحلم بياخد سنين تعب وسنين وجع

بتروح الجيم تكسر جسمك كله عشان تبنيه تانى أقوى..
بتتوجع وانت بتشيل وبتتوجع بعد ما بتشيل
بس بتبقى مبسوط وبتنزل صورك وانت بتتهان فى التمرين
عشان فى نتيجة بتوصلها حاسسها... شايف عضلاتك بتكبر
والدهون اللى كانت مخلياك تقيل عمالة تقل..
مشكلة الأحلام انها مختلفة...
انت هتاخد على دماغك وهتتمرمط وهتاخد كل مصيبة التانية تهد فى اللى بتبنيه..
ومش هتشوف نتيجة فى ساعتها
ومش هتقدر تكمل إلا لو انت واعى للحقيقة
الحلم بياخد سنين تعب وسنين وجع
بيحتاج صبر ومثابرة
بس فى الأخر هتحس انك بنى ادم صح
فمن دلوقتى.. إفهم صح!