منتدى الفرح المسيحى

ميستحقوهوش

عارف لما تحس فجأة إن كل قراراتك غلط مع إنك عارف و متأكد أنها علمتك حاجه كان لازم تتعلمها و تعرفها ...
عارف لما تحس إن كل الناس إللي حواليك لازم يتفلتروا من أول و جديد و إن أغلبهم مكانش المفروض يأخدوا أي حيّز من حياتك لأنهم ميستحقوهوش ...
عارف لما تحس إنك عايز تُمسح كل النمر من تليفونك و تعرف الناس من أول و جديد و تشوف مين بجد المفروض يتحسب عليك من المعارف أو الاصحاب و مين لا ...
عارف لما تحس إنك زهقت من الشاشات و التشات و الواتساب و الفيس بوك و عايز تتعامل مع بني أدمين حقيقين مش راسمين شخصيات مش شخصياتهم بالصور و الكلام ...
لما تحس كده متتخضش ...
انت إنسان طبيعي ...
بني آدم اتخلق علشان يتكلم و يسمع ...
الوقفة دي مفيدة مش مضره ...
متفوتهاش كده ...
استغلها و اعرف ايه اللي وصلك لكده ...
و غيره ...
و فلتر و إتكلم و عبر عن نفسك ...
و غير إللي مش عاجبك في حياتك...