منتدى الفرح المسيحى - فـ ركز .. وإختار الناس الصح

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - فـ ركز .. وإختار الناس الصح (https://www.chjoy.com/vb/showthread.php?t=517471)

فـ ركز .. وإختار الناس الصح

https://e.top4top.net/p_667rah471.jpg

بعد العشرين أنتوا بتختاروا الناس اللى هيزوروكوا فى المستشفى لما تتعبوا ،
هيتبرعولكم بالدم ، هيسندوكم لما تكتئبوا وتبقى عاوزين تنتحروا،
هيحضروا فرحكم، هيقفوا معاكم وأنتم داخلين على حياه جديده بتفاصيل جديدة ،
هينزلوا معاكوا وأنتوا بتجيبوا فستان وبدلة فرحكم و عينهم هتدمع من فرحتهم بيكم وهيحضنوكوا جامد من قلبهم ،
لما تسافروا أول ناس هيقولوا لك : أنا جاى أوصلك مفهاش كلام ،
لما ترجع من السفر أول ناس هيشيلوا معاك شُنَطك،
لما عربيتك تعطل أول ناس هتكلمهم،
لما يطلعلك مشوار مفاجىء أول حد هتقوله تعالى معايا انا راجع من الشغل تعبان مش قادر أروح لوحدى ،

مجرد لما اسمهم يظهر على موبايلك قلبك بيطمِّن ،
هتدعى ربنا إنكم تعيشوا مع بعض لأخر العمر ،
هتشربوا قهوة ، هتضحكوا وتهزروا ، ترقصوا ، تغنوا ، تلعبوا ، تعيطوا ، تسافروا ، تتجنوا سوا ،
هيبقوا أب وأم تانيين لولادك ، أمنتهم على نفسك مش هتأمنهم علي ولادك؟ ،

فـ ركز .. وإختار الناس الصح