|
أنت لا تحتاج للشعور بالفرح ....
https://c.top4top.net/p_666106w41.jpg مشوفتش في حياتي شعور محدود و مؤقت أكتر من الفرح ، شعور في غاية الضعف و الضحالة .. حتي في أعمق معانيه بيعدي بسرعة و تأثيره علي كيان و جوهر الإنسان بيبقي سطحي و عام ، و بالرغم من كدة هو أكتر شعور عليه طلب بين الناس ، كلنا عاوزين فرح ، سعادة ، إبتهاج و هنا .. كلنا بندور علي الضحكة و البهجة و الأجواء الإحتفالية ، كلنا بنقدس الحاجة الحلوة اللذيذة دية ، الشعور الممتع اللي بيضيع جوانا اي ذرة قلق او توتر ، اللي ينقلنا لعالم تاني من الأمل و الفرصة التانية .. و المبرر دايما ان النقيض هو الحزن او التعاسة ، ان الوجهة التاني هو الواقع المؤلم ، و مين عاوز الواقع الصعب مادام عنده مخدر "الفرح" ؟!! مين مش طبيعي ممكن يرفض حاجة زي ديه في سبيل التشبع من الوضع المزري القائم ؟! علي مدار حياة الإنسان و الفرح بيتقدم له أن هو السلعة الوحيدة لوصوله لحالة الرضا و السلام النفسي ، كل حاجة حوالينا بتدفعنا زي القطيع ناحية " الفرح " كعلاج سحري و سبيل للنجاة .. و يبقي الانسان بيلهث ورا الفرح باي تمن و مهما كان المقابل و تنحرص قوة و حيوية مشاعره بس في الشعور بالفرح !! كل ما يتعب او يحس بشوية ارهاق من الحياة يبقي علطول الحل اختلاق اي مشاعر "الفرح" ، عاوز يخرج يتفسح ، يهزر و يمتع نفسه بتجارب مبهجة جديدة ! عاوز يغذي "الأنا" بالأهتمام و الإجتماعيات المصطنعة .. و الصدمة لما يوصل لاقصي دراجات اللذة و الفرح و مع كدة ميحسش بالسلام و اتساق النفس اللي كان بيطمح ليه .. فتلاقي اغني اغنياء العالم و محاط بكل سبل الفرح بيسارع لإنهاء حياته بدرجة مرعبة من التبلد و اللاإكتراث ، ناس عندها فعلا كل مقياس الحياة السعيدة حاسين دايما ان لا مش ده اللي الاستحقاق الحقيقي لروحهم و نفسهم .. و ساعتها تلاقيهم بيدوروا علي مشاعر تانية حتي و لو كانت بؤس او كأبة ... ! هما مش عاوزين فرح و خلاص لكن عاوزين صدق مهما كان ايه ، عاوزين حقيقة حتي و لو كانت موجعة ، عاوزين اتساق واعي من غير لا تزيف و لا نفاق ، عاوزين كيانهم المجرد في انسجام تام مع افكارهم و تطلعاتهم .. عاوزين سلوك متزن معبر أصيل عن اللي جواهم ! .. ف زي ما قال الملهم "شمس التبريزي" : (( ..أنت لا تحتاج للشعور بالفرح بقدر ما تحتاج للسكينة .. )) .. |
رد: أنت لا تحتاج للشعور بالفرح ....
(( ..أنت لا تحتاج للشعور بالفرح بقدر ما تحتاج للسكينة .. )) ..
صح يا قمر ربنا يباركك حببتي |
رد: أنت لا تحتاج للشعور بالفرح ....
(( ..أنت لا تحتاج للشعور بالفرح بقدر ما تحتاج للسكينة .. )) .. ميرسى على مشاركتك الجميلة |
رد: أنت لا تحتاج للشعور بالفرح ....
ميرسى لمروركم الغالى
:):):) |
| الساعة الآن 02:06 PM |
Powered by vBulletin® Copyright ©2000 - 2025