منتدى الفرح المسيحى - غيروا زاوية تفكيركم ..

https://b.top4top.net/p_6636sn921.jpg

أنا بطلت اتضايق لما العيال

تحط كاتشب في شعر بعض .. بحميهم
تدلق ملوخية علي السجادة .. بمسحها
تكتب علي حيطان البيت .. بغسلها
توسخ هدومها والبقع ماتطلعش .. بوزعها
تكسر الكريستال الغالي .. بلم الازاز واعيط في صمت
ترمي حاجة من الشباك ...بعتذر للجيران
ماتكملش طبقها .. لما تجوع هتاكل
الروج الماك في التواليت مفتوح ..كان في يوم هيخلص
الجزم و هدومي والحلل كلها علي الارض .. فرصة أرتبهم تاني
كسروا اللعب .. معلش عيال سنهم
تعيط ... بحضنهم
يتعصبوا .. بروح أصلي وأدعي

أنا حاولت كل المحاولات للقفز من زاوية الامومة الضيقة أنهم دمروا يومي ..
إلي أنهم ساعدوني أبقي شخص ناضج ومرن

ملحوظة وأنا بنام بقول لنفسي ملعون أبو المرونة علي فكرة والنضج قدام الروج ال MAC ..
أنا مقهورة بس هسيطر اهو .. أنا مرنة .. أنا أم .. الحمد لله علي النعمة

غيروا زاوية تفكيركم .. هتسيطروا علي غضبكم وشقاوتهم