منتدى الفرح المسيحى - الفرجة مش ببلاش

لو بتقول إن الفُرجة سهلة ومش بتضُر، انت غلطان.. تحت كل صورة من الصور دي هتلاقي كلام مهم قوي تركز فيه، اقراه وشاركنا برأيك ولو حابب تتكلم أكتر إحنا موجودين لمساعدتك
الفُرجة_مش_ببلاش
#افتح_النور

https://www.mrkzgulf.com/p9hln0ieqgwo

أكتر من 20 دراسة علمية أكدت على أن الأضرار الناتجة عن مشاهدة الأفلام الاباحية تشبه الإدمان على الكحوليات والمخدرات، بل هي أخطر منهم لأنها بتسبب تَلَف لبعض أجزاء الدماغ!!

https://www.mrkzgulf.com/vakzetz7oflp

بيأثرعلى دماغك :
-منطقة في الدماغ اسمها ventral striatum هي المسؤولة عن إحساسك بالسعادة والإنجاز والإحساس بالمكافأة، بيزيد نشاطها بشكل كبير لما بتتفرج على الأفلام الإباحية لأن هرمون الدوبامين المسؤول عن إحساسك بالسعادة والفرح بيزيد إفرازه في الوقت ده وبيبقى بنسبة أعلى من الطبيعي ولما بيدمن الدماغ مشاهدة الأفلام الجنسية بيكتر إفراز الهرمون ده، بس بعد فترة بتتعب الخلايا اللي بتفرز الهرمون وبالتالي بيقل إفرازها وبتضمُر تدريجياَ وده بيخلِّي الإنسان مش بيحس بالسعادة زي الأول وبيبتدي يدوَّر على حاجات أكتر وأحلى كل مرة علشان الهرمون يزيد بالظبط زي تأثير المخدرات، ومع مرور الوقت بيؤدي إلى إتلاف المنطقة الأمامية من الدماغ وده بيأثر بشكل كبير على اتخاذك لقرارتك وبيخليك في حالة من عدم الاتزان ومش بتقدر تفتكر أي حاجة بسهولة وفي النهاية فشل في كل حاجة بتعملها في حياتك، وده معناه أن أغلب الوظائف العقلية بتختل بسبب إدمان الإباحية.

https://www.mrkzgulf.com/88ce5rj6tw1f

بيأثر على نفسيتك:

- أغلب اللي واقعين تحت الإدمان ده ولو انت منهم هتلاقي نفسك بتمارس العادة السرية مع مشاهدة الأفلام الإباحية، في الوقت ده انت بتحس بلذة كبيرة واستمتاع مابتعيشوش في الواقع وكأن السماء جت على الأرض لأن زي ما قولنا إن الهرمون " الدوبامين" اللي يبُفرز بشكل زيادة هو اللي بيخليك تحس بكده، فممكن تلاقي نفسك بتلجأ للعادة علشان تهرب من الضغط أو مشكلة عندك فتحس براحة، وممكن العكس تماماً بما إنك مبسوط وعملت حاجة كويسة فتكافئ نفسك وتعمل العادة السرية لمجرد إنك عايز تزود الشعور بالفرح والسعادة جواك. لكن بعد ما التأثير ده يروح هتحس بالوحدة والذنب الرهيب وهتبقى دايرة بتلف فيها ما بين (السعادة – الشعور بالخزي - الكره - الغضب - القرارت الوهمية) والقرارت دي بتبقى مبنية على ندم وإحساسك إنك مش كويس ولازم تعمل حاجة كويسة علشان الذنب اللي عندك يروح، وتحس انك مقبول قدام نفسك، وأوقات ممكن يوصل للاكتئاب الشديد اللي ممكن يوصل للانتحار.

https://www.mrkzgulf.com/ohrfd1yvl3du

بيأثر على روحك:
-والطبيعي بعد الدايرة اللي بتلف فيها دي ولأنك عرفت إن عندك مشكلة ومش عارف تحلها أو مش قادر توصل فيها لحل وحاسس إن ربنا غضبان عليك لإنك بتعصاه ومش عارف تاخد خطوة لقدام في العلاج ومش عارف حتى أبسط الحاجات تعملها، إنك تصلي لربنا علشان يساعدك ويخرجك من المشكلة فبتبعد عن ربنا تماماً. أو بتنحصر علاقتك مع ربنا في الحتة دي، يبقى هوس بالنسبالك إن ربنا لازم يخلَّصك من المشكلة دي، فبتتعطَّل علاقتك معاه أو في الواقع بتفضل ترجع لورا.