منتدى الفرح المسيحى - حامى عن بناتك

https://upload.chjoy.com/uploads/1508275247731.jpg

حامى عنهم حامى عن احشائك المتجسدة ف اجساد انثويه ضعيفة بتنتهك كل يوم بضرب واعتداء نفسية وجسمنية ..حامى عن اللى تاهت صورتك ف عنيهم من كتر ما اتشوهت معانى الابويه وملاحها عندهم ..حامى عن اللى اتوجعوا من الايدين القريبه قبل البعيدة واللى اتكسرت ثقتهم من كل ايد اتمدت بحيلة الحب وخداع المساعدة واتغدر بيهم ف النهايه ....حامى عن بناتك اللى غبت عن افكارهم واللى كل يوم مع كل وجع جديد بيتحفر فيهم بيتاكد انك مش ليهم ولا تعرفهم ...حامى عن المكسور قلوبهم واللى باخر نفس فيهم لسه بيدور عليك ... حامى عن اهم ماتملك احضانك وانقى ماشكلت ايديك .."بناتك "