منتدى الفرح المسيحى - انتى كابنت .... لازم تعرفي

https://c.top4top.net/p_653yzt7g1.jpg

انتى كابنت ....😍🌸
لازم تعرفي إنك حلوة ، إنك قوية ..
إنك تقدري تكوني أنجح من أي حد ف أي مجال مادام صممتي ،
إنك مش محتاجة راجل يسندك ..
أنتِ قادرة تسندي نفسك بالعكس و لو في راجل أنتِ اللي تسنديه كمان ،
مش محتاجة تحطي make up عشان تبقي حلوة ف عين حد ، كفاية تقتنعي إنك حلوة ..

أنتِ مش مستنية تتجوزي عشان تسافري و تشتغلي و تنجحي ،
مش مستنية راجل يحققلك أحلامك ..
أنتِ مش ملك حد و لا من حق أي راجل إنه يأسرك ويسجنك بحجة الخوف و الغيرة ،

لو ملقتيش راجل يشدك لفوق يبقي بلاه ،
لو ملقتيش راجل يطمنك مش يخوفك يبقي بلاه ،
لو حسيتي إن أنتِ راجل ف العلاقة و هو مش قايم بدوره كما يجب يبقي بلاه بردو ..

الحُب شراكة أنتِ تعملي اللي عليكِ و ف المقابل هو يعمل اللي عليه لو لقتيه مش بيعمل يبقي أنسحبي و وفري طاقتك لنفسك و لشغلك ..
واحدة أعرفها ، واحد جداً بس لما سابته نضجت ، أحلوت ، نجحت ف شغلها و دراستها و أختصرت كُل حاجة لما قالتلي
" بقيت فاضية لنفسي ، كُنت مقضية كل وقتي يا معاه ، يا مستنياه .. بس دلوقتي أنا لنفسي " ..
و عشان كدا بيحلوا بعد ما بيتسابوا ، بيفضلوا لنفسهم ، شغلهم ، شكلهم ..

خليكِ دايماً حاطة نفسك الأولوية فوق كل حاجة و كل حد ،
خليكِ عارفة قيمة نفسك و أفضلي أحلوي دايماً