منتدى الفرح المسيحى - ماذا سيحدث ؟

ماذا سيحدث ؟

https://www.christian-dogma.com/im0p...=260&q=50&.jpg
وصل هالخبر عالبريد بالسما
قريو الملايكة و صارو يفكرو بين بعض
شوي بيشوفو شخص واقف عباب السما مهموم و عم يحكي حالو و يقول : يا ريت كنت صلي بس ما كان عندي وقت
قرب الملاك و قلو شو المشكلة خبرني
النفس : الصلاة … المسبحة
الملاك : يه و هيدي مشكلة … ما تخلي مريم تسمعك …
النفس : هلأ كنت عم بحكي معا
المشكلة هيي انو ما كنت صلي الا لما يكون في حرب و كوارث اركض ع الكنيسة او اذا مريض و دايما الحق ع الله …
كنا كتار نصلي المسبحة يومية و انا استلشق قيا و قول يلا ما الي جلادة بكرا بصلي و فجأة لقيت حالي واقف هون و حياتي مرقت قدامي و …
الملاك: و اكيد قلت يا ريت برجع تعوض و صلي و خلي الناس تصلي
النفس : مزبوط كيف فيي ارجع … رجعني لحظة بس
الملاك : ما فيك ترجع
النفس : انا و جايي سمعت اصوات عم تقلي نزال نزال السما مش الك انت خاطي و هون ندمت و شفت صبية حلوة قربت حكتني ما عرفتا الا لما قالتلي انا مريم ام يسوع و وصلتني لهون و قالتلي فيي خلص نفسي بالصلاة
الملاك : المطهر
النفس : قالتلي هيك بصير شمعة مضواية مضيفة كتير و بقدر شوف يسوع لما صير مضيف
الملاك : التوبة مهمة كتير … توبة صادقة و الصلاة سلاح بتقوي النفس و بتحمي … عالارض في وقت كتير … مهم نكرس من وقتنا شوي للصلاة هون الحسابات بتفرق كتير … و الحب هوي الجواب لما تحب بتصلي و بيبطل الوقت يكفيك …
النفس : انا بدي توب …
الملاك : تفضل …
الخبرية بتقلي و بتقلك
مهم نكرس وقت للصلاة
نترك كل هالامور الارضية و نتطلع للسما … انجيل و مسبحة سلاح
نستفيد نقدس نتوب نعترف نصلح نفسنا و نتقوى …
اسهروا إذاً لأنكم لا تعرفون اليوم
ولا الساعة التي يأتي فيها ابن الإنسان] (مت25: 13)
بقلم الشاب جان راضي من غروب