منتدى الفرح المسيحى - زوادة اليوم نعيش بضمير

زوّادة اليوم:

بيخبرو عن شبّين بيشتغلو بنفس الشركة. كل واحد منّن صار يروح عند المدير و يحكي عن التاني بطريقة يفرجي انّو هوّي بس عم يشتغل و التاني لأ و انّو هوّي الّلي عم يتعب و غيرو لأ. و بس يكونو لحالن بالمكتب الّلي بيشوفن بيقول اعز الأصحاب! يمكن كل يوم بيصير هيك مواقف و كتار بيحطمو غيرن حتى يطلعو درج النجاح و مش عارفين انّو هيدا كلّو مجد باطل. لو ترقّيت و سمعت 1000 كلمة حلوة من المسؤول عنّك و لو شو ما استفدت من هيك تصرفات كون اكيد انّو ما بتطول الحقيقة تا تنكشف و حتّى كل واحد ياخد حجمو الّلي بيستاهلو. ما تقبل تلبس ثوب اكبر منّك و بنفس الوقت اوعى تقبل بأقل من حقك! يسوع علّمنا ما ننغش بالأمجاد الباطلة و بنفس الوقت طمّنّا انّو حقوقنا كلها محفوظة...ما حدا بيظلم ابن الله و بتمرق القصة كأنو ما صار شي! الزوّادة اليوم بتدعينا حتّى نعيش بضمير ناخد الّلي النا و نعطي الّلي علينا و الله معكن