منتدى الفرح المسيحى - أسرار الحب ....

https://img1.mrkzgulf.com/i/00116/xvlx4r7hposx.jpg

- مهما البنت عملت للي بتحبه ، مش هيحبها طول ما هو معندوش أستعداد للحب ده ،
مهما قدمت ومهما عملت هيفضل شويه الأحساس اللي ناحيتها زي ما هما وغالبا بيكون "تقدير" اللي هو ميرسي يعني !

- الراجل مبينساش البنت اللي حبها بسهولة ،
وغالبا الراجل اللي كان بيحب واحدة ومتجوزهاش بيفضل فاكرها طول عمره مهما كبر وعمل أسرة ،
وفكرة أنه ممكن يشوفها صدفه فكرة ممكن تقلب حياته الأسرية رأسا علي عقب !

- البنات مبتحبش ، البنات بتنبهر وبتتعلق ،
وممكن اللي كانت بتعيط عليه من أسبوع تتجوز غيره في خلال شهر وتنساه تماما لأنه عيل ،
الحب والأهتمام والتقدير هما الأمان بالنسبه للبنت ،
البنت لو حست انها عبئ عليك هتكرهك وهتمشي ،
ولو حست الصدق في عينك وكلامك هتثق فيك وغالبا لما تقولها أنا بحبك هتقولك وأنا كمان .. علطول ومن قلبها !

- كل مرة البنت بتتعرض للقسوة وللخذلان بتتفقد فيها حته من أحساسها ،
حتي لو الشخص ده مبقاش مهم بالنسبالها ، قلبها بيفضل يتأثر ومرة علي مرة بتتقفل تماما من الشخص ده وبتمشي حتي ولو كان جوزها !

- الخيانه عند الراجل لا تنفي الحب ، يعني ممكن واحد يكون بيموت في واحدة ،
بس يتكلم وبيخرج مع غيرها ، ومبيحسش أن دي خيانة طالما لم يتعدي الخطوط الحمرا " اللي حاططها لنفسه " !
- حاجات كتير بتخلي الأرتباط يدوم غير الحب ، زي العشرة والتعود ،
انكم عاصرتم حاجات كتير في حياة بعض وعندكم ذكريات مشتركه ،
انه مهما شاف أحلي منك جواه أحساس انك كنتي أختياره الصح ،
وأنه واخد باله أنها لسه بتحبه بالرغم من أهماله وقلة تقديره ليها ..

- ( الأنسان اللي بيحبك بجد هيعمل المستحيل عشان يوصلك )
الحقيقة مش ف كل الأحوال ، ممكن يبقي بيحبك ومش هيحب غيرك بس مش هينفع تبقوا مع بعض لسبب ما " من وجهة نظره سبب كبير "

ف هيقف يتفرج عليكي وأنتي بتمشي وبتضيعي من ايده .. عادي جدا !!!

- مرايا الحب عمياء جدا ، وكل واحد بيحب بنت بيشوفوها أجمل وأرق بنت خلقها ربنا ،
والبنت بتشوف اللي بتحبه ملاك وفوق راسه هاله من النور ، والأتنين بيتخيلوا أن الناس شيفاهم زي ما هما شايفنهم ،

ف متستغربش لما تلاقيها بتغير عليه وهو عادي جدا .. خدوا عينها شوفوا بيها !

- الراجل اللي عمره ضاع في البحث عن زوجة من الكتالوج جايبه الدرجة النهائية في الجمال والرشاقة والعيلة وكل حاجه ،
في الأغلب مبيتجوزوش ، أو بيتجوز بنت عادية جدا ملهاش علاقه بأي مقاييس للجمال ...