منتدى الفرح المسيحى - هو انا يارب هفضل single لحد امتي ؟!

https://upload.chjoy.com/uploads/1506880276761.jpg

هو انا يارب هفضل single لحد امتي ؟!
معقول يعني مش هلاقي حد مناسب اعيش معاه حياتي دي ؟!
طيب هلاقيه امتي .. وفين .. وازاي ؟!

الاسئله دي كلها وأكتر بييجي عليك وقت تسألها ل ربنا .. ف وقت احتياجك للحب .. وكتير بتكون محتاج اجابه واضحه وصريحه تريح قلبك .. لكن كعادة الله ف تعاملاته مع البشر وحسب حكمته ومشيئته الصالحه لأيامك .. هيقولك «لَسْتَ تَعْلَمُ أَنْتَ الآنَ مَا أَنَا أَصْنَعُ، وَلكِنَّكَ سَتَفْهَمُ فِيمَا بَعْدُ»

انبياء الله القديسين .. ارتبطوا وحبوا بشكل عجيب و ف اماكن وتوقيتات مكنتش علي بالهم ..

" ادم " .. مطلبش الحب .. لكن ربنا هو اللي قرر يخلقله معينآ نظيره .. حوا اللي اتاخدت من ضلعه
"يعقوب" .. قلبه اتعلق ب راحيل واختارها و دفع مهرها سنين من الشغل والتعب عند ابوها .. واستحمل كتير لحد ما اتجوزها
"اسحق" .. ربنا عوضه ب رفقه بعد موت امه علشان تكون عزاه و فرحته .. والتعويض الالهي
"يوسف" .. قابل حب عمره ف بلاد الغربه .. " اسنات" بنت "فوطي فارع " كاهن أون .. في زمن الفراعنه .. الانسانه اللي عمره ما اتخيل انها تكون من نصيبه
"داود" .. من بين كل بنات الدنيا قلبه اتعلق ب "ميكال" بنت شاول الملك .. الراجل اللي كان بيضطهد داود و عايز يأذيه

خلاصة الموضوع ..
طول ما انت سايب حياتك ف ايد ربنا .. ربنا هيرتب ليك الاسباب علشان تلاقي نصك التاني .. و الحب اللي هيكمل معاك
ممكن تقابل شريك حياتك ف مكان وزمان عمرك ما اتخيلته .. بس الأكيد انك لما تلاقيه هتعرف انه كان يستاهل انك تستناه