منتدى الفرح المسيحى - اعلم ان كنت لا تعلم

https://www.mrkzgulf.com/xwif6evuyc0b

اعلم ان كنت لاتعلم

#هل_تعلم ان من أول علامات التغيير ف حياة البنت .. قص شعرها !
..
#هل_تعلم ان سكوت البنت مش دايمآ بيكون علامة رضا .. ساعات بيكون علامة ألم !
..
#هل_تعلم_ ان البنت عندها قدره عجيبه انها تضحك وتهزر وتبان قصاد الناس مبسوطه .. مع انها ممكن تكون بتنام _يوميآ_معيطه !
..
#هل_تعلم ان اكتر احساس ممكن يأذي واحده .. ان الناس تشوفها من بره وبس .. مجرد جسم من غير روح !
..
#هل_تعلم ان البنت ممكن تكون بتموت م الوجع ومتحكيش .. !
..
#هل_تعلم ان الأب بالنسبه للبنت هو مصدر الأمان الاول .. و لذلك لما بتعشق حبيبها بتقوله يا بابا !
..
#هل_تعلم ان البنت مهما كبرت واحلوت وبركان انوثتها انفجر .. لسه من جواها طفله بتفرح بالكلمه الحلوه وبتطمن بالطبطبه !
..
#هل_تعلم ان البنت مش هتحبك غير لو طمنتها .. ومش هتطمن معاك غير لو كانت بتحبك !
..
#هل_تعلم ان البنت بالنسبالها كلمة : بحبك .. ووحشتيني .. وخلي بالك من نفسك .. اغلي واحلي من كل كنوز الدنيا !
..
#هل_تعلم ان الاهتمام هو كلمة السر الوحيده .. اللي ممكن تدخل بيها قلب حبيبتك !
..
#هل_تعلم ان اقصي احلام البنات ف مجتماعتنا العظيمه .. انها تمشي ف الشارع براحتها !
..
#هل_تعلم ان البنت الخايفه من الارتباط والحب .. اكتر كائن ف الدنيا نفسه يحب ويتحب .. لكن استحاله تقبل وترضي ب حب مش هيكفي قلبها .. وحدوته أخرها جرح !
..
#هل_تعلم ان طبيعة البنت اللي ربنا خلقها بيها .. بتخليها بتحب دايمآ تاخد بالها من نفسها وشكلها ولبسها وجسمها .. علشان تبسط روحها .. مش علشان تلفت نظر حضرتك !
..
#هل_تعلم ان مفيش حاجه اسمها بنت شمال .. في حاجه اسمها ( انسان ) .. ومحدش معصوم م الخطأ .. وكل واحد مسؤول عن تصرفاته !
..
#هل_تعلم ان البنت كائن حي .. من حقها تختار شكل حياتها واحلامها من غير ما حد يفرضها عليها .. من حقها تختارالحياه اللي بتحلم بيها .. من حقها يكونله دور ف المجتمع اللي موجوده فيه .. من حقها تحب وتتحب و تلاقي السند والضهر .. من حقها تعيش !