منتدى الفرح المسيحى - عفوآ لقد نفذ رصيدكم

https://f.top4top.net/p_636xx7r61.jpg

عفوآ لقد نفذ رصيدكم
زمان كنت بستغرب من نهايات بعض العلاقات
ازاي في أزواج ينفصلوا بعد 15 سنة أو اكتر وأقول ليه انفصلوا بعد المده الطويلة دى. ليه؟؟؟؟
ومثلا أصدقاء العمر اللي بيقاطعوا بعض ومفيش حد بيقدر يقنعهم يرجعوا علاقتهم مع بعض أبداً.
لحد ما وصلت لحقيقة أنه في كل العلاقات في حاجه اسمها " رصيد "

علاقاتنا بالناس مرهونة برصيد بيتحدد حسب المَعزّة للشخص عندنا وكل ما التعامل كان بحب واهتمام كل لما الرصيد بيزيد
وكل ما التعامل كان فيه تهاون الرصيد بيقل.
ومع إحساس البعض انه احنا بنحبهم بيتمادوا بالتصرفات الغير لائقه وأسلوب فيه عدم استعناء
ومش بيعرفوا إنهم بيسحبوا من رصيد العشم والمحبة ال ليهم عندنا
وبيعتقدوا انه رصيد التسامح ال عندنا ده ممتد بلا نهاية وطبعا العلاقة بتستمر لحد ما صاحب الصبر أيوب ده صبره يخلص

ولما الرصيد يوصل صفر بنكون فقدنا قدرتنا على التحمل
بعدها قرار قطع العلاقة بيكون قرار قادرين على اتخاذه بكل ثقة وتأكد وبدون تراجع .
حافظوا على علاقاتكم وعلى الناس اللي بتسامح كتير
المدة الزمنية او طول العلاقة مش سبب كافي لاستمراريتها.