|
أوّل ما تحسّ إنّك مخنوق
† أوّل ما تحس إنّك مخنوق ، روح للخالق مش للمخلوق... † ٱتناول كل أسبوع ( القربانة بالقدّاس )، أبداً ما بتجوع... † خلّيك طويل البال ، بتهد أكبر الجبال... † أوّل ما تصحى من النوم قول : "قدّوس ، قدّوس ، قدّوس" . قبل ما الشيطان صوبك يحوص... † كلمة "كيرياليسون" او "ٱرحمني يا ربّ" هي المفتاح لكل البركات الروحية... † بدل ما تقول للربّ :"ليش هيك؟" ، قول :"لتكن مشيئتك أنا كلّي بين إيديك"... † لو صلّيت والربّ ٱستجاب ، ما تبطّل تشكر ، و لو صلّيت و الربّ ما ٱستجاب ، ما تبطّل تصلّي... † ما تتعوّد تقول للربّ: "همومي عم تكتر"، قول لهمومك: "عندي ربّ بيقدر "... † ما تقول: " يا ربّ عندي همّ" ، قول: " يا هم عندي ربّ" ... † لمّا تصلّي لحالك الربّ بيسمعلك، لمّا تصلّي لغيرك الربّ بيباركك، بس لمّا تصلّي لعدوَّك، الربّ بينظر صوبك و بيقول : "هيك إبني صار عم يشبهني"... † و أجمل شي إنّك تصلّي وتحس إنّك انتقلت من مستوى الأرضيين لمستوى السماويين... أذكرونا بصلواتكم ... المجد لله المجد للرب يسوع المسيح. |
رد: أوّل ما تحسّ إنّك مخنوق
† و أجمل شي إنّك تصلّي
وتحس إنّك انتقلت من مستوى الأرضيين لمستوى السماويين... ربنا يباركك |
رد: أوّل ما تحسّ إنّك مخنوق
لمّا تصلّي لحالك الربّ بيسمعلك، لمّا تصلّي لغيرك الربّ بيباركك، ربنا يبارك خدمتك |
| الساعة الآن 07:31 PM |
Powered by vBulletin® Copyright ©2000 - 2025