|
مفيش حاجة على مقاسى يا بابا أعمل إيه؟
https://c.top4top.net/p_634cxuy81.jpg واحد دخل محل مع إبنه يشتروا هدوم.. الولد مالقاش حاجة على مقاسه فأبوه وقف يقوله بصوت متعصب مكتوم "إنجز إختار أى حاجة ما تفضحناش قدام الناس" الولد "مفيش حاجة على مقاسى يا بابا أعمل إيه؟" وفى ظل الحوار الجانبى ده تيجى واحدة من الواقفين تقول للولد "إيه يابنى مالك؟ كل العيال بتشترى إلا أنت؟" الولد بيسرح كدا فى خياله ولسه بيفكر فى إنتى مال... " لقى واحد من سنه بيقوله "انت لسه ما لاقتش مقاسك؟ يابنى لاقى مقاسك بقى!" الولد بينه وبين نفسه "هو انا مقصر فى حاجة مانا واقف اهو فى المحل مش لاقى!" الولد ده فضل فى الزنقة دى لحد ما طلعله واحد طيب وبشوش كدا قاله "يابنى مقاسك موجود ما تضايقش. مش يمكن لو إشتريت انهاردة اى حاجة زى ما بيقولولك بكره لما تلاقى مقاسك تندم إنك ضيعت فلوسك بدرى.. مش شرط تشترى إنهاردة إنت مش واقف عريان.. روح بيتكم وما تشتريش إلا لما تلاقى مقاسك. لإن مقاسك كدا كدا موجود وممكن يبقى فى المحل اللى جنب بيتكم بس مش هتشوفوا غير لما ربنا يريدلك إنك تلبس حاجة جديدة" وإنت بتقرأ اكيد حسيت بغلاسة وبواخة مش طبيعية .. لو شيلنا الولد وحطينا البنت وشيلنا الهدوم وحطينا العريس وعرفنا ان الراجل الطيب ده إسمه "الرزق" يمكن نبطل بواخة وغلاسة. |
رد: مفيش حاجة على مقاسى يا بابا أعمل إيه؟
لو شيلنا الولد وحطينا البنت وشيلنا الهدوم وحطينا العريس وعرفنا ان الراجل الطيب ده إسمه "الرزق"
يمكن نبطل بواخة وغلاسة ربنا يباركك |
رد: مفيش حاجة على مقاسى يا بابا أعمل إيه؟
لو شيلنا الولد وحطينا البنت وشيلنا الهدوم وحطينا العريس وعرفنا ان الراجل الطيب ده إسمه "الرزق" يمكن نبطل بواخة وغلاسة. ربنا يبارك تعبك |
رد: مفيش حاجة على مقاسى يا بابا أعمل إيه؟
ميرسى لمروركم الغالى
:):):) |
رد: مفيش حاجة على مقاسى يا بابا أعمل إيه؟
فعلا كلام حقيقى
|
رد: مفيش حاجة على مقاسى يا بابا أعمل إيه؟
ميرسى لمرورك الغالى
:):):) |
| الساعة الآن 04:09 AM |
Powered by vBulletin® Copyright ©2000 - 2025