منتدى الفرح المسيحى - مش عارفين تربوا متخلفوش

https://www.mrkzgulf.com/jed6tkxzw2k7

فيه اباء وامهات لا يفقهوا شئ عن التربية
معندهمش عقاب لاطفالهم
بيسيبوا الطفل يعمل ما يشاء ، وبالتالي بيحولوه من ملاك صغير لمشروع بلطجي ، مايهموش حد
مش كده وبس ، لا دول بيضحكوا وببصقفوله كمان
يعني لو ابنهم ضرب طفل ممكن يبقوا طايرين من السعاده انه جرئ وفيه بذور عبده موته على صغير
طالما ابنهم ماتضربش وهو اللي بيضرب يبقى عفارم عليه
لو ابنه كان عند ضيف وكسر حاجه ، ممكن مايزعقوش ويقولوا خدت الشر وراحت
لو بيلعب وزق حد ودلق القهوة على ايده ، يقولوا دلق القهوة خير
عندهم رد ومبرر لكل تصرف سلبي بيطلع من ابنهم
ماعندهمش كلمة عيب ولا غلط ولا تعالى جنبي هنا وماتقومش
وبالتالي طفل ماتعلمش العيب ، هايكبر ويكرر العيب
وهايطلع نموذج فاشل يضر كل اللي حواليه ، واولهم اهله

اي اب وام باردين ، ماتوصلوش غيركم انهم يعلموا اولادكم الصح والغلط
ماتوصلوش غيركم يعلموا عيالكم الأدب
ماتخلوش الناس تشتمكم في غيابكم ، وتكونوا مكروهين في كل مكان تكونوا فيه نظرا لكم الكوارث اللي بتحصل في وجودكم

مش عارفين تربوا يبقوا متخلفوش
لان الحيوانات بس هي اللي بتخلف ومابتربيش