منتدى الفرح المسيحى - خليك قريب منه

https://upload.chjoy.com/uploads/1505599987051.jpg

دايماً الله كان بيدور طول الوقت على أشخاص يبقوا واثقين فيه ويسمعوا كلامه ويقدروا يمشوا عكس التيار أو زي ما بنقول بالبلدي كده " بيعملوا حاجات مش منطقيه" كتير اوي الله استخدم ناس في الكتاب المقدس عملوا حاجات مش منطقيه بالنسبة للبشر لكن بالنسبه لله كانت علامة حب وثقه كبيرة من أول نوح لما ابتدى يبني السفينة علشان الطوفان، وده كان جنون ومروراً بإبراهيم وموسى وداود وإرميا وبطرس وبولس وآخرهم كان يوحنا اللاهوتي ولسه سلسلة الأبطال ماخلصتش لسه الله بيدور في كل وقت على ناس تكون حسب قلبه، الطريق صعب وطويل ومليان تحديات، مش هو مسابهمش يمشوا فيه لوحدهم لو عايز تبقى من الناس دي خليك قريب منه..