منتدى الفرح المسيحى

اكتشفت ان الحب مش انك عارف الناس دي كويس.. ولا ان فى عشره كبيره بينكوا.. ولا عمرك كله معاهم ووسطهم.. اكتشفت ان الحب بيجى من اللى حبك من غير مايعرفك من غير مايبقى فيى بينك وبينه عشره طويله.. اكتشفت ان الاخوه والصداقه مش ان انكوا كل ساعه مع بعض وبيتك هو بيته وانكوا اكتر من الاخوات لكن الحب الاسمى والاقوى فى الناس اللى عمرها مادخلت بيتك لكن بتصونه وبتخاف عليه من غير ماحتى يخشوه.. اكتشف حب اسمه (حب السامره) ايوه حب السامره.. حب السامره حب الوطن اللى عمرك ماتولدت فيه ولا عشت فيه ولا حتى عارفين فيه تاريخك ولا حتى عملت وسطهم حاجه كبيره لكن (حب السامره) هو الحب اللى يقولك( ارجوك ماتسبناش اقعد معانا) رغم انكم مش عشره قديمه ولا حتى كنتوا اصحاب فى يوم ولا كلتوا وشربتوا مع بعض .. حب السامره اللى بيحبك من كلامك اللى شافه من قلبك مش من افعالك.. اللى همهم انت مش همهم تاريخك ولا ماضيك.. حب السامره هو الوطن اللى ماعشتش فيه لكن لو دخلته هاتلاقى اسمك مكتوب على قلوبهم حتى لو قعدت فيه ايام قليله.. لكن فى حب تانى اسمه (حب اليهوديه) ده العشره والصحبه والاحباب واللى متوقع منهم يبقوا جنبك ويسهروا معاك لكن فجاءه تلاقى انه حب مش حقيقى وممكن يطردوك ويهنوك ويحاولوا يعروك او حب الناس اللى بتعمل الواجب علشان شكلها مايبقاش وحش بس.. مع ان هو ده المكان اللى عمرك كله كنت فيه .. لكن هنا اكتشفت امر صعب لكنه مطلوب ولازم يحصل برغم (حب السامره) مش هاتلاقى زييه لكن مش هاتقعد فيه كتير حب السامره له وقته وهايخلص لكن الشويه اللى قعدتهم فيه هايدوم العمر كله فى قلبك وقلوبهم.. وحب اليهوديه المزيف هو اللى انت لازم تعيش فيه لان الانسان الكارز واللى حامل الصليب ماينفعش يقعد فى مكان محبوب فيه طول الوقت لان لازم يبقى مصلوب لكن وهو مصلوب قلبه ماليان (بحب السامره) وكل همه ان يوصل (حب السامره جوه حب اليهوديه)