منتدى الفرح المسيحى - الله خلقك قوي

https://files.arabchurch.com/upload/i...8625193196.png

شوفتوا قبل كده عصفورة بيتها مهدود؟!

كان عندنا عصفورة فضلت تبني في بيتها مدة طويلة وكنت مبسوط أوي وأنا شايف كمية الصبر والإصرار اللي عندها،

وبعد فترة كبيرة مش عارف إيه اللي حصل بالظبط، ولاقيت البيت اللي كانت بنياه اتهد!!

أنا بصراحة زعلت عليها فعلاً وقلت خلاص هتعيش كده من غير بيت مش هتقدر تبنيه تاني،

الغريب بقى أن تاني يوم بالظبط لاقيتها بتبني البيت من أول وجديد،

وكأن مافيش حاجة حصلت، وقفت مذهول من كمية المثابرة اللي عندها وأنا اللي لما بتحصل ليَّ حاجة صغيرة وحشة بستسلم وبقعد زعلان مدة كبيرة وفين وفين لغاية لما استجمع قوايا تاني وأقوم..

الحزن والضيقة وانك تعبر عن مشاعرك مش غلط، بس الغلط هو الاستسلام،

طول ما فيك نَفَس ماتستسلمش، الله خلقك قوي عندك حرية إرادة وعزيمة قوية تقدر تقف بيها قدام أي حاجة بتهزمك .. أنت أكبر من أي حاجة ممكن توقعك!