منتدى الفرح المسيحى - ماتفرحيش قوي ............

ماتفرحيش قوي ..لو ولد بيجري وراكي بقاله سنين
ماتفرحش قوي.. لو فيه بنت بتعشققك بجنون
لو بتلحس التراب اللي انت بتمشي عليه
انت بالنسبالها مجرد مخدر ..بيسكن عندها الم الوجود
جريها وراك ..بيريح عندها احساس الرفض
هي مستمتعة انها بتجري وراك ..و كل ماتبعد اكتر
متعتها هاتزيد اكتر ..لأنها بتأكد لنفسها انها قليلة
و تستاهل انك ترفضها ..فبتهدي
لأن تاكيد الرفض اهون من حيرة الرفض
ماتفتكرش ان كونك المخدر الوحيد ..ده تميز
بكرة ييجي غيرك ..حتي لو بعد سنين
بعد ماتوصل لاعلي جرعة من الجري وراك
هاتزهق ..و تدور علي غيرك تتوهم بيه
ماتخليش مرض حد و احساسه بالرفض يكون مصدر شبع ليك
ماتفرحش لو مصدرك الاساسي ..جوع مريض لشخص ما
بكرة يجوع لغيرك ..بعد ماتملي بطنك بيه
و تجوع فجأة و تلاقي نفسك ولا حاجة
اوعي تبني مشاعرك علي انقاض نفسية حد
بكرة يتهد كل اتكال نفسيتك عليه
لا تكون مدمن مشاعر ..ولا تكونش مادة ادمان
او مخدر ..او صنم !!