منتدى الفرح المسيحى - اما تقرب بحب ..او تبعد للابد !!

المكتئب مشاعره زي بالظبط اللي جلده محروق في مناطق متفرقة
هو خايف من اي حد يقرب منه عشان مش مستحمل لمسة
و ده سبب من اسباب وحدته و عزلته ..
هتقوللي طب انا عايز اقرب احط مسكن علي جلده
اقولك حاسب ..و احترس جدا لخطواتك ..و لمساتك
لو لمسته بعنف تحت اسم الحب ..هيصوت و ممكن يعورك ..او ايدك هاتتحرق من كتر سخونة جلده
هتقوللي لازم يتألم عشان يخف و الوجع يقل حتي
اقولك ماشي ..المسه و حط كريم ..بس و انت محترم قوي الالم و الحرق و المسافة ..و طريقة الدهان ..
اتأكد من وجود مسكن في الكريم
اشغل عقله برة الوجع ..و المس وجعه بسرعة و فن
ماتزهقش من لمسات خفيفة مستمرة ..لأن الجسم ساعتها بيتأقلم عالوجع ..و بيستحمل العلاج ..
اوعي تتغاشم و تصارح و تدوس مرة واحدة ..ممكن يموت في ايدك ..او يعورك ..او يأذي مشاعرك..
لازم تكون حاسس بالوجع و انت مقرب ..
اوعي تقرب بعقلك ..العقل غشيم
كمان قدرة تحكم المشاعر في اللمسات ..اكبر من العقل
اشغل عقله و اشغل عقلك جزئيا..و حب و قرب
قرب و ابعد ..كل شوية
اما تقرب بحب ..او تبعد للابد !!