منتدى الفرح المسيحى - لكل اللى رايح رابعة جامعة

"رابعة جامعة" يعنى مشاعر متناقضة 😄
- يعنى مرحلة الاندهاش من هو انت لحقت تبقى ف رابعة امتى .. ومرحلة استيعاب انك كبرت
- يعنى بتبص على دفعتك وانت عارف ان دى اخر سنة تشوف اللمة دى .. وفى نفس الوقت بتمسك ف صحابك اللى عايز تكمل معاهم
- يعنى مرحلة العقل لانك داخل على مرحلة جديدة بعدها .. ومرحلة الجنان لان دى اخر سنة هتعيشها حر من غير مسؤوليات
- يعنى فرحان بمعافرتك انك اخير هتتخرج .. ومضايق ان خلاص انك وصلت لنهاية المطاف
- يعنى متحمس تبدأ حياة جديدة .. وخايف من اللى جاى
- يعنى عمال تتفرج على جروب دفعتك وتضحك ولا أكنه كان ف يوم بينرفزك
- يعنى بتسلم على دكاترتك بقلب .. ع الرغم ان قبل كدا كنت ممكن تدور وشك
- يعنى يبقى عندك انتماء فجأة لكل ركن ف كليتك .
• باختصار هى الضحك والزعل والقرب والفراق والهدوء والاضطراب والصغر والكبر .