منتدى الفرح المسيحى

http://a1.sphotos.ak.fbcdn.net/hphot...77784321_n.jpg

غلطه قلم

كنت مرة ماسك قلمي بكتب بيه خرجت جملة ما بين السطور بتعبر عن اللى جوايا ... سألت القلم أزاي كتبتها ؟؟؟؟ دي انا كنت مخبيها جوايا ... رد قلمي وهو بيضحك: سمعت قلبك بيقولها، وأتأكدت منها لما بصيت في عيونك
أتدخت كدة وسألته يعني باين عليّ ؟؟؟
وبكل استغراب سألني: قلقت ليه؟؟ ... متقلقش ... ميحسهاش غير اللى عايشها
....
قلت فى سرى: متقلقش !!! ... ازاي مقلقش
ولما عاتبته: كده يا قلمي تبوح بسري ؟ !!! ... كده تفشي فكري ... طب حتي أسألني ولا استأذني
رد وقالي: انا كنت عاوز أشوف رد فعلك .. شكل ملامحك بعد ماخرجتها من جواك
؟؟؟
بس انا عاوز اسألك سؤال: ايه اللى وصلك للحاله دي ليه كده؟ زمان مكنتش كدة
سرحت مع سؤاله وفضلت اسأل نفسي نفس السؤال ليه كده؟؟؟ انا ايه اللى وصلني للحاله دي ؟؟؟؟
معرفتش أرد ومن كرم أخلاقه ..... قال لي مش عاوز أسمع أجابه بس لازم أنت تبقي عارف الأجابه ولو متعرفهاش دور عليها جوااااك
سكت ومقولتلوش كلمه كل اللى عرفت أقوله بس أنت عارف يا قلم أنا بشكرك لانك جرئتني، قدرت تخرج جمله من مخبئي فضلت حابسها فتره طويله .... بس فعلا مكنش ينفع افضل مخبيها وحابسها جوايا أكتر من كده وانا فاكر اني لو قولتها ولا خرجتها من حبستها..... هتأثر فيّ أتاري الشبح ده كان جوايا انا بس، مجرد وهم..... سراب لكن في الحقيقه مالوش وجود