منتدى الفرح المسيحى

ضعفاتي
مِنحَة مش مِحنَة ..
نِعمَة مش نقمة ..
محبة مش عقوبة ..
وقاية مش إنتقام..
ضعفاتي
هدية ،
بسماح من ربنا لحكمة تفوق إدراكي ..
ضعفاتي
جهاز كشف كذب
بيكشف (حقيقتي، حقيقة من حولي ، والأهم بيوضحلي محبة ربنا )
ضعفاتي
ترمومتر
لقياس درجة الحب ..
ضعفاتي
فلتر (لفلترة الشوائب )
ضعفاتي
جهاز بيشحن بطارية قلبي !!
ضعفاتي هي الطاقة إللي بتجدد حياتي !!
ضعفاتي هى الصنارة إللي بترفع قلبي للسماء !!
ضعفاتي هي اللي بتخليني أحس بضعفات إللي حوليا ..
ضعفاتي هي إللي بتضمن عدم خروجي من الطريق المؤدي لخلاصي !!
ضعفاتي هي إللي بتعطيني القوة على الميطانيات والصلوات والتضرعات !!
ضعفاتي مش صدفة ،
ممكن تكون جاتلي بجينات وراثية ، أو ظروف إجتماعية ، أو ضعفات شخصية ، أيا كانت ..
إنما في النهاية هي مش مفاجأة إتفاجيء بيها ربنا ، حاشا !!
إنما هي جزء من خطة خلاصي ..
أما إختار الله ضعفاء العالم ليخزي بهم الأقوياء :-)
لأن قوتي في الضعف تُكمَل :-)
لأني بالحري أفتخر بضعفاتي :-)
لأني حينما أنا ضعيف ، فحينئذ أنا قوي :-)