|
ماتخربيش بيتك بإيدك !
https://upload.chjoy.com/uploads/1504777481951.jpg ماتخربيش بيتك بإيدك ! (( الزوجة : الخضار اللي انتا أشتريته ده وحش جدا !! الزوج : هو انتي اي حاجة اجيبها تقولي عليها وحشة !؟! الزوجة : أصل انت البايعين بيستكردوك و يضحكوا عليك ! الزوج : انتي ست مش محترمة ! لو مش عاجبك ابقي انزلي اشتري انتي و وريني حيضحكوا عليكي و لا لأ !! )) ده حوار تقليدي بيدور بين اغلب الناس المتجوزة و اللي غالبا بينتهي بخناقة كبيرة علي موضوع تافه ملوش اي لازمة ... و اللي دايما بيبتدي بزوج داخل البيت تعبان قرفان من الشغل و الزحمة مشتري اي منتج ( خضار ، فاكهة ، أجهزة كهربائية .. ألخ ) بتقابله زوجة قاعدة في البيت مشحونة بطاقة ملل و رتابة و ضغط نفسي ... و بطريقة غير مباشرة بيكون عندها ادراكات مغلوطة البايعين تجاه الزوج ده ممكن تكون اصلها أن هو سبب رئيسي في حالها السئ اللي هي بتمر بيه ده ( ان هو مقعدها في البيت و دمر مستقبلها العظيم ، انه مش بيهتم بيها و بيخونها مع باقي الستات ، ألخ .. ) ... فبتحاول تفتعل اي مشاحنة لأستفزازة ... فاول خطوة بيتكون انها تطعن في اي فعل هو عمله و تقلل منه اللي في المثل ( شراء الخضار ) ... هو بدوره حاسس بعبء و ضغط في كل حاجة فيبتدي يشعر بحالة من ( وهم المضطهد ) و أن مراته ديه بتنضم لمجموع الناس اللي مضطهدينوه و متعمدين تعجيزه و يبتدي يتعامل معها كعدو ! .. هي ساعتها بتلاقي مدخل من الحته ديه للوصول لهدفها الاساسي فتبتدي تضعط بعنف علي أكتر جزء بيقهر الرجل و هو رجولته ! فتبتدي تستخدم اساليب زي ( بيضحكوا عليك ، انت مش زي باقي الرجالة ، ما اصل انا ربنا لو كان رزقنا براجل بجد ) أو حتي تبتدي تقارنه برجاله تانية زي ( جوز منال صاحبتي بيعمل كذا ، اشمعنا فلان مش بيعمل كذا .. ألخ ) ... في الحالة ديه بيكون الزوج اتعرض لمقدار مؤلم من تهديد ذكوريته فيبتدي منطقه بالخلل و يستخدم أشهر مغالطة منطقية في التاريخ و هي (مغالظة أنت ايضا ) لما يقول ( طب مش انا مش باعرف اعمل كدة طب وريني انتي بتعمليه ازاي ) و اللي الصراحة اكبر رد غبي ممكن يتقال نظرا انها تأكيد لعجزة بدون اي تفاعل منطقي او عقلاني فممكن تكون هي مش بتعرف تعمل الفعل ده ( شراء الخضار ) و ده مش مبرر له انه يكون فاشل في شراء الخضار او دافع انها تتقبل الخضار السئ ... في النهاية ده موقف بسيط بيمر بكذا صورة في حياتنا بس ابرزه المشهد ده ، و اللي لو طرف فيهم حاول يبطئ من رد فعله و ادي لنفسه ثواني يشوف النقاش وخده لايه ، حتكون النتيجة صمت طبيعي و عدم استكمال الحوار التافه ده من الاساس ... بس للأسف وسط الجهل بمفاهيم احترام الاخر و وسط اللامنطقية في المجتمع بتتخرب بيوت من لاشئ .. حرفيا لا شئ !! |
رد: ماتخربيش بيتك بإيدك !
بس للأسف وسط الجهل بمفاهيم احترام الاخر و وسط اللامنطقية في المجتمع بتتخرب بيوت من لاشئ ..
حرفيا لا شئ !! ربنا يبارك حياتك |
رد: ماتخربيش بيتك بإيدك !
ميرسى لمرورك الغالى
:):):) |
رد: ماتخربيش بيتك بإيدك !
بس للأسف وسط الجهل بمفاهيم احترام الاخر و وسط اللامنطقية في المجتمع بتتخرب بيوت من لاشئ ..
حرفيا لا شئ !! ربنا يبارك خدمتك الجميلة |
رد: ماتخربيش بيتك بإيدك !
ميرسى لمرورك الغالى
:):):) |
| الساعة الآن 03:32 PM |
Powered by vBulletin® Copyright ©2000 - 2025