منتدى الفرح المسيحى

شغل عيال .. بس ياريتنا نعرف نعمله ..
باباه راح السما ف مامته قالتله متزعلش انت ليك بابا تانى اسمه بابا يسوع هو بيحبك اوى وساكن ف السما واى حاجه تطلبها منه هو مش هيتاخر عليك .. بعد فتره راح المدرسه طلبوا منه مصاريف المدرسه 10 جنيه .. قعد يفكر يعمل ايه وبعدين أفتكر بابا يسوع راح جاب ورقه وقلم وكتب ..
"اعرفك يا بابا يسوع انى نحتاج مبلغ 10 جنيه وماما ست غلبانه معهاش فلوس" ..
قفل الورقه حطها ف ظرف وكتب عليه
العنوان :السماء ..
يصل ويسلم ليد بابا يسوع ..
ورماه ف صندوق البريد .. ف البوسطه استغربوا الجواب خالص وواحد فيهم قال انا هفتحه على مسؤليتى لما فتحه وقراه هو وأصحابه صعب عليهم الطفل وجمعوا مع بعض كل واحد جنيه .. لكن ف الأخر كان المجموع 9 جنيه .. حطوهم ف ظرف وقالوا اكيد مامته هتتصرف ف الجنيه اللى فاضل .. بعد كم يوم لقوا ظرف تانى مكتوب عليه يصل ويسلم ليد بابا يسوع فتحوا الظرف الجديد لقوا الطفل كاتب جواب تانى لبابا يسوع
"أشكرك يا بابا يسوع انك بعتلى الفلوس بس المره الجايه متبعتهمش ف البوسطه عشان ساعى البريد راجل حرامى اخد منهم جنيه لنفسه" ..