منتدى الفرح المسيحى - حد يكمّلك ..مش يكمل عليك

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - حد يكمّلك ..مش يكمل عليك (https://www.chjoy.com/vb/showthread.php?t=507682)

حد يكمّلك ..مش يكمل عليك

انت مش بتطلب المُستحيل ولا بتحلم بالغير معقول .. انت كل اللي محتاج له هو "الإحساس " ؛
حقّك في الحياة إنّك تلاقي الإنسان اللّي يحسّ بيك ويفهمك ؛ حد ما تبذلش معاه جهد في محاولات شرح و تحليل وترتيب وتفسير التفاصيل اللي بتدور جوّاك ؛...محتاج حد يتغلغل جوّاك ... حد يقراك ؛يستوعب جنانك وغليانك ..وهدوئك ؛حد يفهم سكوتك ..
محتاج حد يكون لك "فعل" مش رد فعل ؛ صوت ..مش صدى صوت ..
حد تفشل قدّامه إنك تغطّي عاطفتك وغيرتك ؛ تفشل إنك تلعب قدّامه دور الجبل اللّي ما يهزّهُ رِيح ...
تتعرّي قدّامه بكامل وحاشتك وانت واثق إنّه عارفك وحافظك كويّس؛ فَـ مهما أسأت التصرّف هو شايفك صح ..
ياخدك كده زي القُماشة اللى خيوطها متفككّة يعيد كيانها من جديد
انت مش محتاج معجزة ولا إنسان خارق للطبيعة ...انت محتاج حقّك في الحياة ....إنك تعيش مع حد يكمّلك ..مش يكمل عليك ...