منتدى الفرح المسيحى - رسالة الي كوكب الأستروجين

https://upload.chjoy.com/uploads/1503739594181.jpg

#علشان_تفهمي_الرجالة_كويس

لو انتي بنت و عايشه في كوكب #الاستروجين يبقي لازم تفهمي كويس انه فيه كائنات تاني من كوكب #التوستستيرون عايشين معاكي في نفس المجرة ...

اوقات ممكن تلاقي منهم عنف و صخب و ترفيص و انتي مش بتبقي فاهمه ليه ده بيحصل منهم معاكي، و ده غالباً بيكون تنفيس عن مشاعر كتير مكبوته جواهم من تعب في الشغل لضغوط مادية، فـ زي ما كتبت قبل كده #رسالة_الي_كوكب_التوستستيرون و طلبت منهم انهم يحترموا أنوثتك و يراعوا مشاعرك و تغييرات الهرمونات في جسمك.. انتي كمان مطلوب منك انك تعرفي شوية حاجات علشان علاقتكم تبقي صحية <3

- الجنس شيء مهم جداً عنده و يكاد يكون مقدس

- الرجل محتاج يحس انك شايفاه و قابلاه - زي ماهو - مش بالشكل اللي انتي عاوزاه يبقي في دماغك (مفيش ترزي رجالة) ;)
- بلاش المقارنات مع جوز بنت عم مرات خال ابن اخوكي لانها بتزيد من العند او بتحسسه انه قليل او انك رافضاه فبتزود انفعاله ضدك :(
- #هرمون_السيروتونين المسؤول عن السعادة و اللي بيقل عندك جداً في وقت الـ (Perioud) غالباً بيكون عالي عندهم معظم الوقت و بيكونوا Euphoric mood او رايقين فلازم تفهمي ده كويس و تعلني عن تعبك و عن تغيير مزاجك لو هو مش فاهم و اعلني عن احتياجك للحضن و الطبطبة لان كتير منهم مش بيكونوا عارفين احتياجاتك دي و مش بيفكروا فيها اصلا :D :D
- الراجل محتاج تقدير بشكل كبير لانه ده ها يساعده انه يرجع لرجولته الحقيقية اللي بتقبل الطبطبة و الحنية :D
- لازم تعرفي انه فيه رجولة حقيقية و رجولة مزيفة... الرجولة الحقيقية هي اللي فيها نسبة من الأنوثة مرتبطة بالرجولة، و هي اللي بتحتاج و بتعلن عن احتياجها سواء للحنية او الونس والطبطبة و اللي فيها الراجل كمان اوقات بيكون زي الطفل اللي بينبسط بأقل حاجة بتتقدمله منك، لكن الرجوله المزيفة غالباً بترفض الحنية و الطبطبة و ده بيكون راجع لعوامل كتير اهمها ان تربية كائنات كوكب #التوستستيرون بتكون ناشفه و علشان يتشافوا غالباً بيكونوا كائنات خشنة و صعبه و انفعاليه اكتر من اللازم لان اللي بيوصللهم من صغرهم انهم لازم يبقوا كده علشان يتحبوا :/
فلو انتي جوزك/ حبيبك من النوع ده، لازم تعرفي ان علاج الرجوله المزيفة فده بيتطلب منك الاول انك تفهميها و انك تصبري و تعرفي ان التغيير بياخد وقت كبير جداً و انه مش هايكون سهل لانك بتخرجي حاجة من جواهم مدفونه ليها سنين و هي مشاعرهم الانثوية اللي زي ما قلنا ادفنت في التربيه و اللي هي مكون رئيسي للنفس الذكورية الحقيقية... وده ها ييجي بحبك غير المشروط ليه <3