منتدى الفرح المسيحى - "إذهب وحدّث بكم فعل بك الرب"

اللى شتم واللى بارك ..
اللى ذم واللى مدح ..
كل واحد اكيد شاف حاجة ..
كانت السبب ورا رد فعله ..

بس اعتقد ..
ان الموضوع كان ابسط بكتير ..
من الكلام اللى اتقال ..
فى آيتين حافظهم من صغرى ..

"وأما بنعمة ربك فحدّث"

"إذهب وحدّث بكم فعل بك الرب"

أكيد هتلاقى نفسك عارف واحدة من الآيتين اللى فوق ..
يعنى باختصار ..
لما ربنا يعمل معاك معاك حاجة ..
روح احكى للناس ..
وقول لهم اللى ينفع يتقال ..
هو مش مستنى حد يتكلم عنه ..
بس عايزك تحكى ..

عشان اللى زعلان .. يفرح ..
واللى قلقان وخايف .. يطمن ..
واللى متوتر .. يهدا ..
واللى شايل هم بكرة .. مايخافش ..
واللى تعب من شيل الهم .. يتكل عليه ..

واللى جرب هيعرف ان .. الكلام ده حقيقى