منتدى الفرح المسيحى - كلمات فقدت معناها

https://files.arabchurch.com/upload/i...5090232836.png

إن شــاء الله!!

كلام من كُتر ما قولناه فقد معناه الحقيقي!!

ان شاء الله كلمة غالبًا بتتقال لما بنكون مش عايزين ننفذ الطلب اللي بيطلب مننا، أو لو فاقدين الأمل في أن الحاجة دي تحصل، أو لو عايزين نقفل الكلام في الوقت الحالي

وأنا بفكر في الكلمة دي وإزاي بنربط مشيئة ربنا بالرفض،وبقينا بنخاف من مشيئة ربنا، أو بنخاف نقوله يارب عايزين كذا لو في مشيئتك لإننا عادة بنشوف أن مشيئته عكس رغباتنا، وكأن الله دايمًا ضدنا وخالقنا علشان يكون عكسنا.

خلي بالك من اللي بتقوله!

أوقات كتير بعض المصطلحات اللي بنقولها بترسَّخ أفكار غلط جوانا،علشان كده محتاجين نفكر فيها تاني، واحنا بنفكر في مشيئة ربنا لازم نتأكد أن الله مش ضدنا ولا رافض لكل حاجة احنا عايزنها،ولا بيماطل أو بيكذب، هو خالقنا وعارف احتياجاتنا ومقدرها جدا، ومفيش أب بيكون مبسوط أبدا وهو بيمنع حاجة عن ولاده، علشان كده أرفض الفكر اللي جواك اللي بيقول أن مشيئة الله يعني رفض مطلق لإحتياجاتك، وأطلب دايما مشيئته في حياتك وفي كل أختياراتك.