منتدى الفرح المسيحى - البنات وسنينها

امهات الصبيان اللي نفسها في خلفة البنات ... انت فاكره حياتنا فلات عسلات بينكات .... لا تعالي اقولك بقي انت محرومه من ايه
- باربي باربي ايفري وير ... هتلاقي في الحمام بيستحموا ده عادي بتلاقيهم جنب الشامبو .... و في دايما واحده علي الحوض جنب فرش السنان بتكلمها و هي بتتشطف . ده غير كراوانة المية اللي بتلاقيها في اوضتها عشان العرايس نازليس البسين.
- الميك اب بتاعك مخترق .... يعني لازم تحت التاتش بتاعها و بتعرفي بقي من روج مقطوم ... روج اجو مكسر ... ماسكرا فرشتها بايظه .
- جليتر جليتر ايفري وير
-كل اسبوع بنشتري توك .... و مفيش توكه اختها بتبقي موجوده كلهم فرد زي الشربات بالضبط .
- فقرة تسليك الشعر الساعه 6 الصبح وهي رايحه المدرسه و اعمليلي تسريحه جديده .
- فقرة بقي الساحر ... كل جزمك اللي بكعب بتتجرب و تقع علي وشها و كعبها يتكسر
- بصالك في كل اكسسواراتك
- ودنها جوه سماعة التليفون و ممكن تفكرك بالحوار كامل
- طاقة كلام غير طبيعيه .... بتوصلي في اخر اليوم انك نفسك تجيبي فرده من فرد الشراب الضايعه وتسدي بيه بقها .
- بتشمي ريحة الكريم بتاعك الغالي ده الحلو بتاع بودي شوب من اول الشقه .
- فنانة ... السفره عباره عن ورشه مفروشه طول النهار الوان و فرش و برضه جليتر جليتر ايفري وير
- مقدرة غير طبيعية علي تقمص الشخصيات الكارتونية و الدرامية و الكوميدية . هتمتعك
- علي طول مش لاقيه حاجه تلبسها ... وعلي طول مش لاقيه حاجه تاكلها
كل فقره من دول ماساة لوحدها عايزه شرح غير طبيعي ... صدقيني خلفة البنات مش سهله .... انت هتبقي عايشه مع كل شخصيات التليفزيون لحد ما يجيلك انفصام شخصية .