منتدى الفرح المسيحى - اتجوزيه دلوقتي .والحب ها ييجي بعد الجواز

https://upload.chjoy.com/uploads/1503093180141.jpg

اتجوزيه دلوقتي .والحب ها ييجي بعد الجواز ..دول كلمتين ملهمش معني .ولا ليهم قيمه في الزواج ..ويعبروا عن جهل وعدم وعي ورجعيه وتدني في التفكير !!!
وبيدفع تمنهم غالي الزوج والزوجة.
ومين اللي يضمنلك انه ييجي بعد الجواز ؟؟؟
ونفترض فرضا جدلا انه مجاش بعد الجواز ؟تاه في السكه! !
نروح لمين ؟
ونعمل ايه ؟
ونتعامل ازاي ؟
ونعيش سعداء منين ؟
ونربي ولادنا علي أي أساس .؟
ونرتبط ببعض ونتفاهم ازاي ؟

ومش معني كده أننا لازم نعمل "قصه حب "قبل الارتباط .بس علي الأقل يبقي فيه درجه عاليه من القبول ..والتفاهم والتفهم. ومعرفه الآخر معرفه تساعد علي البناء ..وممارسة الحب الإنساني أولا قبل الحب الرومانسي ..والإحساس بالشريك والتعاطف معه .
إنما تتجوز كده عمياني. .ونقول الحب بييجي بعد الجواز ." دي مخاطره مش محسوبه ".
يجوز ييجي الحب بعد الجواز صدفه ..لكن منقدرش نعممه علي كل الحالات الزوجيه ...

الحب ده أسلوب حياه لازم تمارسه الأول مع ابوك وامك واخواتك وأصحابك وقرايبك وكل اللي حواليك ...

وساعتها ها يبقي سهل عليك تحب شريك حياتك قبل وبعد ارتباطك بيها ...