منتدى الفرح المسيحى

قسمه ونصيب
قسمه ونصيب
قدر ومكتوب
كلام دايما نقوله
وعالجبين مكتوب
مكتوب في علم الغيب
مكتوب في علم الله
مكتوب ف سابع سما
مكتوب نقول الآه
مكتوب نلاقي الدوا
مكتوب نطيب أو لا
مكتوب نغيب مكتوب نشيب
مكتوب نفارق أو نغيب
مكتوب نسافر أونهاجر أو نسيب
مهو ده النصيب
كان نفسي أشوفك وتشوفيني
واحضنك وتحضنيني
زي ابنك زي أمي
تفردي جناحك تضمي
تحسي بيه فعز همي
تدعي ليه وتنصحيني
تكلميني وتسمعيني
واما أقول الآه تجيني
تمسحي دمعه في عيني
بس اقولك اعذريني
لأن الوقت ماسمحش
لأن القلب مارتحش
لأن الليل ماصبحش
قسمه ونصيب
قدر ومكتوب
كلام دايما نقوله
وفي الكتاب مكتوب
نصيب مفهوش تلاقي
والعمر ملهوش باقي
والحزن اهو دق بابي
قبل يوم التلاقي
نصيبنا منتلاقيش
نقسم رغيف العيش
ونعيش مكان مانعيش
الله يجازي اللي كان
سبب في بعدي عنك
دي الغربه في الأوطان
اخدت منا ومنك
ماهو الله بيعوض كمان
في حبيب فيه حته منك
عزايا أنك معايا
وبدعيلك ليل ونهار
بدعيلك من جوايا
يشفع فيكي المختار
وف جنه فيها أنهار
وملايكه في الجوار
واذا بقي عايزه تشوفيني
ادعيلي مروحش النار