منتدى الفرح المسيحى - بتحب ربنا قد ايه ؟

كل ما نتعمق في معرفة ربنا كل ما نتعرف عليه أكتر وساعتها حبنا ليه بيزيد
والعمق المقصود هو عمق العلاقة الحقيقية بينك وبين الله
القديسين حبوه من كل قلبهم ضحوا بحياتهم
ضحوا بأموالهم ضحوا بأغلى ما لديهم لأنهم عرفوا أنه هو الكنز الحقيقي
سؤال النهارده بتحب ربنا قد ايه ؟
شفت القديسة العدراء مريم حبته قد ايه ؟
شفت الأنبا أنطونيوس حبه قد ايه ؟ وباع اللي وراه واللي قدامه علشان الكنز الحقيقي
شفت موسى بيكلم ربنا ازاي لدرجة اتسمى كليم الله .
شفت ابراهيم بيحب ربنا قد ايه ؟ قدم ابنه وحيده حبيبه على المذبح واتسمى خليل الله
الحب مش كلمة بنقولها
لازم نعبر عن حبنا لربنا بالايمان بيه والعمل بوصاياه
نعبر عن حبنا ليه بالتسامح والمحبة للآخرين وخدمتهم واحتمالهم
مرة كمان بسأل انت بتحب ربنا قد ايه ؟؟؟
بتحب ربنا قد مين في دول ؟؟؟
قوله يا رب علمني احبك زي ما حبيتني وأعمل ما يرضيك