منتدى الفرح المسيحى - احمد ربنا .....

https://upload.chjoy.com/uploads/1502606952831.jpg

لو بتصحي من النوم
تلاقي مراتك في البيت مش بايته عند مامتها
ولا مسافره مارينا مع بنات خالتها
يبقي تحمد ربنا

لو بتلبس هدوم نضيفه
وترجع تلاقي غدا
وبيت متروق
وولاد مذاكرين
ومستحميين
ده مش للشبح الخفي
دي مراتك الست المحترمه اللي انت سايبها في البيت

لو مراتك بتروح معاك عند ممتك علي الاقل مره في الشهر يبقي كتر خيرها في غيرها مانعه ولادها انهم يشوفوا جدتهم وجدهم اصلا

لو مراتك بنت ناس ومش بتقول الفاظ وحشه او بتهينك قدام الناس
يبقي برده تحمد ربنا

يعني من الاخر لو مراتك
واحده عاديه ليها اخطاء عاديه احمد ربنا حبها اوي وحسسها انها هديه ربنا ليك
في غيرك مراته سيباه اسبوع ومقضياها فسح وشوبينج
وفي غيرك الشغاله هي اللي بتعمل كل حاجه ومراته عند الكوافير وفي النادي او مش طالبه معاها قعاد في البيت
وفي غيرك مراته اغلب كلامها الفاظ وكلام من نوعيه:
(ارحم امي ،واطفح اي حاجه مفيش غدا النهرده،ومفيشً مرواح عند امك بتفكسلي اليوم )
ووفي ستات متعرفش حاجه عن مذاكره اولادها عشان بتصدع منهم

ساعات من كتر ما الحاجه اللي في ايدنا كويسه ومحترمه بنتخيل انها العادي او الاصل
لكن لو بصينا حوالينا شويه
هنحمد ربنا جدااا
ونحافظ علي النعمه اللي ربنا هدانا بيها