منتدى الفرح المسيحى

جوة كل واحد فينا
اب او ام او زي ما بنسميها (الانا الاكبر)
و طفل او زي ما بنسميه(الانا الاصغر)
و رجل ناضج ( الايجو )
لو علاقتك باهلك كان فيها مشكلة
هتلاقي الطفل الصغير بيتخانق جواك مع الانا الاكبر
فتلاقيه بيعيل احيانا ..او منفلت بذيادة احيانا
او مهمل تماما في احيان اخري
تلاقيك مش عارف تلعب و تجري و تتنطط
او تلاقيك بتكره الهزار
حياتك كلها جد
ممكن كمان يكون عندك مشكلة مع مديرك
او مع اي حد يديك تعليمات
و تلاقيك في احيانا تانية قاسي جدا علي اللي تحتك
مع اصحابك
اما بتبقي خانع جدا ليهم و بتعمل كل اللي بيقولوه
او بترفض و متمرد في كل حاجة
حتي لو ابوك قاسي
او امك كانت مطلعة عينيكي
مطلوب منك تتصالح معاها جواك
مش لازم تسامحهم ..في الاول
بس خد خطوة ناحية قبولهم
و قبول وجودهم في حياتك بالشكل ده
هم جواك شئت ام ابيت
و هيأثروا في حياتك مهما انكرت
اتصالح عشانك
خليك اناني ذكي
اغفر عشان نفسيتك
و تعاملاتك !!