منتدى الفرح المسيحى

الغلط وارد ما دمنا صغيّّرينْ
لما نغلطْ، ربّـنا يسامحْ، ونتعلّـمْ، ونفهم إنّنا من أصل طينْ.
والكبار برضكْ بِيِغْلطوا زيِّنَا
ماهى خلقةْ ربنا
نعمل ايهْ؟
الغلط ما هوش نهايةْ
الغلط هوّا البدايهْ
بعدها إنتَ وشطارتك
مش بنشمت بيه فى خيبتك
والذنوب دى مهما كانت، هيّا ّ مابتلـْزَقشى فينا
إحنا نفهمها ونحسبْها ونغسلْهَا، وُهبْ، ويَا اللاَ بينا
الغلط دا لما نفهم إنه ماضى فات أوانُهْ
يبقى خطوهْ ناحية المُمْكِنْ مكانُـهْ
لو ضميرنا شلّـنا قالْ إيهْ غِلِطْنَا
يبقى معناه اننا رْضينَا بْخِيبِتنْـا
لو ضميرنا مشْ حايسمحْ حبـِّتـِينْ كدا: بالغلطْ
يبقى ده عزّ الغَلَطْ
يبقى نعرف إننا مش قد دَرْسُهْ
إنّ كُتـْر كلامنا عنّـه قدْ منعَنا انَّا نِحِسُّهْ
حتى لو ذنب بْصحيحْ، وكبيرْ قوى
ربّـنا أرحم وأكبرْ، ….. ربنا هوّا القوى