منتدى الفرح المسيحى

اوقات الدنيا و الناس بتشغلنا عن يسوع و بتشغلنا عن الحياه اللي عايزها منا المسيح فعلااا !!
فلوس ! سلطه ! رفاهيه ! الخ !!!

طب تعالي كده نقرا الايه دي 😊 :: [[ وَأَمَّا يَسُوعُ فَإِذْ عَلِمَ أَنَّهُمْ مُزْمِعُونَ أَنْ يَأْتُوا وَيَخْتَطِفُوهُ لِيَجْعَلُوهُ مَلِكًا، انْصَرَفَ أَيْضًا إِلَى الْجَبَلِ وَحْدَهُ. ]]

فهمت ايه من الايه دي !! ربنا يسوع عايز يقولنا ايه ؟!
➕ الكتاب المقدس عايز يقولك و يقولي متهتمش بالفلوس و السلطه و الملك و الحياه القويه و المجد الارضي !!! و مش بس لا تهتم ! و لكن كمان اهرب منها و ابعد عنها !!
➕ المسيح عايز ينقل انظارنا الي شيء تاني خالص ! فوق الجبل !
يعني ايه فوق الجبل ؟! الجبل يعني حياه العشق الالهي ؛ حياه السما ؛ حياه الخلوه مع الله القدوس المتسامي ؛ الصلاه و الكلام مع ظابط الكل و الانشغال به و حياه العشره معاه
➕ لاحظ كلمه ( مزمعون ) الشيطان يا احبائي مزمع ان يسقطك مصمم ان ياخذك الي مملكته الشيطانيه ياخذك الي مملكه المجد و الكرامه و السلطه و الحياه الارضيه فلا تدع له الفرصه ! قاومه بالصعود للجبل ( الحياه السمائيه )
➕ لاحظ هنا الكتاب بيقول ( يختطفوه ) ‼حسيت بايه و انت بتقرا الكلمه دي ؟! اكن الكتاب بينبهنا من حاجه مهمه اوووي !!! ان الانسان المسيحي لازم يحترس من العالم و شهواته و اهدافه الارضيه الزايله ! العالم و الشيطان و ابناء هذا الدهر هيحاولوا يشدوك بقوه عظيمه لحياه المجد الارضي و يغروك بالفلوس و المجد اللي هيخلص فالكتاب بيقول عن ابليس ( يجول كأسد زائر ) ! و يبعدوك عن المجد السماوي !! احترس اخي المسيحي و احترسي يا نفسي من ((الاختطاف )) ❌👹

روح للجبل احتمي بالمعونه الالهيه و خلي غرضك هوا السما ❤🙏❤