![]() |
فيتجدد مثل النسر شبابك ♥
https://files.arabchurch.com/upload/i...8537901234.jpg فى ناس دايما بعد علاقة حب بيقولو معندناش حاجة نقدمها لاننا قدمنا كل طاقتنا فى العلاقة ديه !؟ ويجى الرب يقولك هجدد شبابك ذى النسر .. طيب ازاى يارب ؟!! يقولك حبيبى يهمنى الفترة ديه اشفيك من وجعك وبعدين لما توصل لحتة معينة هنتكلم وهفهمك بس خليك معايا الوقت ده لان قدام شوية الوقت ده هيكون غالى عندك . المشاعر والطاقة والوقت اللى راح هجددهم بس المرة ديه بناس من طرفى :) بس اشفيك الاول عشان متستنزفش حد بسبب وجعك . ويفضل يعدى معاك فى حتة كدة مينفعش غيره يدخلها وهى الألم واليأس والدموع الكتيرة والطاقة اللى استنزفت منك .. وبعدين لما يطمن عليك انك بقيت كويس وبقى فيك منه يقولك عايز اجدد شبابك فى شكلك !! تقوله يارب منا شكلى حلو اهو يقولك حبيبى انت جميل بس عايز احط قداستى فيك عايز احط صلح بينى وبينك عشان القداسة هى الحاجة الاولى اللى بيها هتشوفنى و هنتعامل بيها مع بعض :) وبعدين يقولك حبيبى انت مهم اوى وفى دعوة على حياتك .. المهمة لسة منتهتش .. ويفضل يفتح حاجات جواك تتشفى اوى وتتجدد اوى وبعدين تلاقى الروح القدس عمال يفتح حاجات قدامك تصليلها وفى احلام بتتحط جواك منه عمرك مفكرت فيها .. #اللى عايزة اقوله ان فى تجديد حياة النسر الموضوع مش سهل لما بيكون عنده 30 سنة تبتدى مخالبه تضعف وجناحاته تبقى تقيلة ومبيكنش عارف يطير والمنقار بتاعه يطول . الحل بيكلفه 150 يوم من التعب .. بيطلع على جبل ويفضل يكسر فى الخالب بتاعته و المنقار عشان تطلع مخالب جديدة و منقار جديدىو اجنحة جديدة .. #صديقى ربنا بيعمل معانا كدة بس الفرق انه مش بس يجددنا زى النسر هو بينزل بنفسه عشان يعدى معانا مراحل الألم و الوجع لحد ميدينا كل حاجة جديدة .. حتى شكلنا . لبسنا .. طريقة كلامنا .. اسلوبنا ابسط الاشياء فينا هو بيفكر فيها مبتروحش عن عينه .. ده بيخلق اصدقاء منه ليك من طرف يسوع :) عشان يكونو ساندينك اوى عشان يرفعوك دايما قدامه .. عشان يكون مطمن عليك اصله بيقلق علينا اوى :) بيجددك كمان فى الحب وطريقة افكارك عنه بتحس انك عمرك متقابلت مع الحب غير فى الوقت اللى عرفت فيه يسوع :) #وبعدين اكيد هيدينا الحب اللى منه ولان هو تعب فيك اوعى تقبل بااى حد غير يسوع هو جاى حتى لو فى الهزيع الرابع ♥ هيكون يسوع اللى لازم تستناه لان فرق كبير انك ترتبط بيسوع وانك ترتبط بحد كويس بس مش مميز :) واللى بيخلى حياتنا مميزة هو بس |
رد: فيتجدد مثل النسر شبابك ♥
هيكون يسوع اللى لازم تستناه لان فرق كبير انك ترتبط بيسوع وانك ترتبط بحد كويس بس مش مميز واللى بيخلى حياتنا مميزة هو بس
رووووووووووعة ربنا يفرح قلبك |
رد: فيتجدد مثل النسر شبابك ♥
وانك ترتبط بحد كويس بس مش مميز :) واللى بيخلى حياتنا مميزة هو بس
ربنا يفرح قلبك |
رد: فيتجدد مثل النسر شبابك ♥
ميرسى على مروركم الغالى ;) |
رد: فيتجدد مثل النسر شبابك ♥
ربنا يبارك تعب محبتك الجميلة
|
الساعة الآن 01:25 AM |
Powered by vBulletin® Copyright ©2000 - 2025