منتدى الفرح المسيحى - احنا ليه مبنتوقعش يسوع

https://files.arabchurch.com/upload/i...8074836614.jpg

احنا ليه مبنتوقعش يسوع ؟!
وانت بتصلي توقع انه جمبك.. توقع انه بيبتسم لك وبيقولك حاضر.. توقع انه لما بتسكت هو بيتكلم.. توقع ان الروح القدس بيكون حاضر عشان يخليك تطلب اللي علي قلب يسوع. توقع انه حابب يوريك حاجات في الروح قبل متحصل بالجسد .
كل متتوقعه كل مهتشوفه بصورة اعمق و أوضح.
خد بالك وانت بتصلي بتكون مش متأكد انه قاعد جمبك! وانه بيتكلم! ‘انه عاوز يوريك طرقه! لو احنا اصدقاء ومحستش منك انك مش واثق فيا اني جمبك وقت تعبك انا هكون مش مبسوطة! لاني هحس انك مش متوقع اني اد ايه انت وانتي غاليين عليا! وانا اصلا موجودة من قبل متسألني طلبة او احتياج!
ليه مش بنتوقع انه يسوع بيجي والابواب مقفولة! هتعيقه الابواب مثلا! طب هو ابواب القبر منعه انه يقوم من الاموات ويصعد للسماء! يسوع حابب يعرفك اللي علي قلبه ليك وليكي .
بس احيانا احنا بنمنعه!
بتبقي السماء مفتوحة وباب ارضنا بنكون قفلينه وهو رقيق جدا وبيحترم ده فمبيدخلش غير لما بنفتحله بإرادتنا!
#توقع يسوع لانه معاك وجمبك في الباب اللي انت شايفه مقفول. انت اغلي من انه يسيبك لوحدك.. انت مهم اوي عنده وحلو اوي في نظره حتي لو مكنتش شايف ده.