منتدى الفرح المسيحى - الزواج المسيحى مش مجال لعرض البطوﻻت

https://files.arabchurch.com/upload/i...5977439950.jpg

يعنى مش مهم مين بيدى اكتر ومين بيتعب علشان التانى اكتر
طالما ان كل واحد بيقدم تعبه دة بمحبة وهو على استعداد تام انه يتعب تانى لو يقدر !
يعنى اللى يقدر يعمل حاجة يعملعا من غير مايفكر شريكه كل شوية هو قد ايه بيضحى علشانه !
مع انى مدركة ومقدرة ان الضغط بيخلينا احيانا ننفجر ونقول احنا قد ايه بنتعب واننا محتاجين الشريك يحس ويقدر التعب دة ....... لكن دة ماينفعش يحصل باستمرار .. ماينفعش يكون عادة .. هتبقى حاجة مملة جدا وهتوصل لشريكى احساس انى بمن عليه وانى مش مقدر تعبه هو كمان !
ايه المشكلة لما الزوج يرجع من شغله تعبان وزوجته تطلب منه مساعدة .. لو تقدر تساعدها اعمل كدة من غير ماتفكرها انك راجع تعبان وهى قاعدة فى البيت مرتاحة من الشمس والحر !
والعكس كمان .. لو الزوجة انجزت مهمات كتير فى يومها وزوجها اجازة من شغله اليوم دة ونفسه يرتاح .. ايه المشكلة لو ماقدمش اى مساعدة .. طالما انتى قادرة تريحيه يوم اجازته .. مش ﻻزم تفكريه بتعبك طول اليوم وانه ماعملش حاجة معاكى
ثقوا تماما ان ربنا بيشوف تعبنا ومحبتنا وبيدينا قدرة وطاقة اكبر اخدم بيها شريكى.