منتدى الفرح المسيحى - بنحتاج وقت .......

https://upload.chjoy.com/uploads/1500717259941.jpg

بناخد وقت كتير علشان نخرج الكلام الصادق جوانا،
بنحتاج وقت لأول كلمة بحبك وبيكون خروجها صعب رغم سهولة مرورها جوانا،
بنحتاج وقت علشان نخرج الكلام اللي خايفين نقوله فنخسر حد بنحبه،
بنحتاج وقت للعتاب ولتقبل الغياب ولتصديق الفراق،
بنحتاج وقت علشان نتعود على أن خلاص أولادنا بقوا يقولوا كلمات مفهومة،
بنحتاج وقت علشان نسمع أسمائنا منهم بشكل طبيعي زي كل الناس،
بنحتاج وقت علشان نتعود على سماع كلمة بابا وماما منهم من غير ما نضحك بكل سعادة مع كل مرة يقولوها،
بنحتاج وقت علشان نقدر نعبر عن حاجة جوانا،
بنحتاج وقت علشان نقدر نرتب الكلام لموقف معين رغم أننا وقتها بنقول كلام مختلف تمامًا،
بنحتاج وقت للنسيان ويمكن مننساش، ووقت لتجاوز مراحل يمكن تسيب أثر باقي جوانا للأبد،
بنحتاج وقت لحاجات كتير شافوا فيها اختصارات مرور الزمن ووقف فيها عندنا الزمن.

cpd