منتدى الفرح المسيحى - خلى بالك الكلمة بتفرق

https://upload.chjoy.com/uploads/1500351762181.jpg

ايه اللي انت عملته ده يا مؤذي ، خد بالك ياغبي ، مفيش فايدة فيك ، مش عارفة هتعقل امتي ، انت مش بيجي من وراك غير المشاكل ، انت فاشل ، اخوك احسن منك ، لازم تكون اشطر واحد في الفصل ، لازم تبقي كويس عشان احبك ، اوعي تعيط لان الراجل مش بيعيط ، نفسي اشوفك انسان طبيعي زي بقية الناس وغيرها من الكلمات اللي ممكن نقولها لاطفالنا واحنا مش واخدين بالنا من تأثير الكلام ده علي نفسيتهم وبناءهم النفسي ،فاكرين ان احنا كده اسلوبنا تمام في التربية مادام مش بنضربهم .🤐
انتوا عارفين الكلام ده بيعمل ايه ؟😲

بيسبب اضطرابات نفسية زي التبول اللا ارادي ، اضطراب الفزع الليلي ، اضطراب القلق ، اضطراب الاكتئاب ، الوسواس القهري ، انعدام الثقة بالنفس ، والقلق الاجتماعي ، اضطراب السلوك العدواني .
ياريت ناخد بالنا من تصرفاتنا مع اطفالنا لان الكلمة بتفرق معاهم .👨👶👦👧👩