منتدى الفرح المسيحى - جميل كُلّك جميل

https://files.arabchurch.com/upload/i...6834023809.jpg

خد بإيدي
اتصرف
طلعني من اللي أنا فيه
مش انت الدكتور؟
مش المفروض آجيلك تعبان أخرج مرتاح؟
مش انت عندك حل نافذ يجيب من الآخر؟
أنا جاي لك عشان أرتاح
عشان مش قادر أعمل حاجة
و مش عايز أعمل حاجة
و مش هأعمل حاجة
إعمل انت
انت الدكتور
خرجني من اللي أنا فيه
....
متفهم ألمك
وجعك واجعني
أنا كمان بأحسه .. تعرف كده؟
و حسيته و انت بتتكلم
إسمح لي أطبطب عليك
و أحضن وجعك
و أكرر قبولي لحقيقة إن الحياة مش سهلة
و إن الأبطال اللي زيك من جمالهم
عندهم حساسية من القبح
لكن مش عايزك تيأس
واحدة واحدة
و بالمساعدة
هاتقف على رجلك تاني
هاتقوم و هاتمشي
و هاتواجه بنفسك
و هاتتحدى الصعاب
الحياة مش سهلة
لكن بالراحة
و بالتمرين
عضلاتنا هاتقوى
و هانقبل سوا
إن القبح موجود
و إن الجمال موجود
و إن الصراع خلّاق ..
أصبر تشوف
إن صمودك مش هَدَر
و إن بقائك
بقاء الجمال
بسقوطك، بقيامك،
بقواك، بضعفك،
بوحشك، بحلوك،
بنورك، بضلك،
بألمك، بضحكك،
بجوعك، بشبعك،
باحتياجاتك، و نقصك و عوزك،
جميل .. كُلّك جميل ..