منتدى الفرح المسيحى - بيحبك يا حفصيبة

https://files.arabchurch.com/upload/i...1290077683.jpg

ومهما توهتي وبعدتي عنه
وحتى لو رجعتي للمزابل
ولو بعدتي تدوري على قيمتك
في حاجات تانية غيره
والحاجات دي بدل ما تديكي قيمة
سحبت منك كل القيمة اللي الهك ادهالك
وحسستك انك وحشة ومش نافعة وملكيش هدف
حسستك انك عمرك ما هتتغيري
وهتفضلي بطبيعتك السيئة وبأسلوبك الصعب
وبأفكارك المشوهة .. حسستك انك مش محبوبة
أو متستهليش تكوني محبوبة اصلا
كل ده كذب من فضلك قومي وارفضيه
ﻷنك في عيون إلهك مبتتغيريش
بيفضل شايفك الجميلة المحبوبة والمطلوبة
المقدسة والمبررة والنافعة
وفي عينه قيمتك كبيرة أوي
انتي حفصيبة (مسرة الرب بيكي)
قولي انا محبوبة جدا مطلوبة ونافعة
ليا شأن وقيمة كبيرة أوي
انا ملكة مش مكاني المزابل
وانا مش صفيحة زبالة إبليس يرمي فيها أفكاره
لكن انا مقدسة ومبررة بدم الملك
ليا فكر وطبيعة وجمال خالقي
اضحكي يا محبوبة
بيحبك يا حفصيبة