منتدى الفرح المسيحى - صرخت ليك في وقت ضيقي

صرخت ليك في وقت ضيقي
لقيت جوابك ياحبيبي لا تخاف
فوق كفوفك راسم طريقي
اعمق من اللي شايف واللي شاف
،رديت عليك وقولتلك ياابويا انا حيران
قولتلي حط حيرتك عندي ومتحترش
رديت عليك وقولتلك يا ابو يا انا تعبان
قولتلي ارمي حملك عليا ومتتعبش
رديت عليك وقولتلك يا ابو يا انا زعلان
قولتلي تعالي المس حضني ومتزعلش
تعالي خدني من هنا لحصنك اللي مليان امان
تمم رسالتك عندك وبصبر كمل ومتزهقش
زودني بشوية ايمان
شوية ايمان عندك ثق فيا بيهم ومتيأسش
انا خايف من اهوال الزمان
قولتلك يابني انا معاك متخافش
طيب و مر الضعف والحرمان
انسي كلام الناس عنك
فوق الضعف انا هعليك
وبنعمتي اكفيك واشيل همك
خلي قلبك لعيني مرفوع
فاكر موسي ويا عماليق
برفعة ايد موسي غلب يشوع
وانت كمان احتاط للامر
ارفع قلبك عندي عزاك
ده انت لو مشيت في جمر
زي الفتية هعدي معاك
وسط المر ووسط الحر
وسط الظلم هكون وياك
وسط الضيق ووسط الشر
هتعايني وهكون لحماك
احتمي فيا طول العمر
هتغفر وتقول نسيت الاذية
هملي قلبك سكيب غمر
و الضيقة هتبقي منسية
اصل الرب جه انساني
كل شر من حواليا
مش فاكر ايه اللي أذاني
سامع بأذاني صوت الحرية
في المسيح دايما عنواني
ستري هو مافيش عبودية
شكرا ليك يألهي البار
علي مجدك وعلي التعزية
انا متسيج بنور ونار
والعدو مغلوب بنصرة بهية
شكرا ليك يابو يا البار
انا مستني اجي الابدية
لاجل افرح بعمق الاسرار
اللي مش شايفها بأبعاد جسدية
امين يا رب التعزية